Танд туслах хэрэглэгчийн лавлах

7052-3223 7777-1289
НүүрУдирдлагын мэндчилгээ

Удирдлагын мэндчилгээ

20220913162132

Эрхэм ажил олгогч, иргэд даатгуулагч Та бүхнийхээ амгаланг айлтгая.

Дорноговь аймгийн Нийгмийн даатгалын хэлтэс нь Нийгмийн даатгалын хууль тогтоомжийг хэрэгжүүлэх, нийгмийн даатгалын сангийн орлогыг бүрдүүлэх, ажил олгогч, даатгуулагчдыг нийгмийн даатгалд хамруулах, нийгмийн даатгалын сангаас тэтгэвэр, тэтгэмж, төлбөр, зардлыг хуулиар тогтоосон  хугацаанд олгох зэрэг чиг үүргийг хэрэгжүүлэн ажиллаж байна.

Тус хэлтэс нь 2022 онд “Дотоод хяналт, хэрэглэгчийн сэтгэл ханамжийн судалгааны систем”-ийг амжилттай нэвтрүүлж, 2021 оны 07 сараас эхлэн нийгмийн даатгалын ажил үйлчилгээг иргэд даатгуулагчдад шинэлэг хэлбэрээр хүргэн ажиллаж байна. Уг системийг нэвтрүүлснээр үйлчилгээ авч буй даатгуулагчийн сэтгэл ханамжийг үндэслэж ажил үйлчилгээгээ сайжруулах, тухайн байцаагчийн ажлын ачаалал, ямар үйлчилгээг хэдий хугацаанд үзүүлж буй зэргийг шууд хянах боломжтой юм.

Ажил үйлчилгээнд гарч байгаа алдаа зөрчил, иргэд даатгуулагчдаас ирж байгаа өргөдөл гомдлыг чирэгдэлгүй, шуурхай шийдвэрлэх зорилгоор 2021 оноос эхлэн Чанарын менежмэнтийн тогтоолцоо ISO 9001:2016 Олон улсын стандартыг үйл ажиллагаандаа нэвтрүүлсэн Дорноговь аймгийн Төрийн захиргааны анхдагч байгууллага болон ажиллаж байна.

Иргэд даатгуулагчдад шуурхай чирэгдэлгүй үйлчилгээ хүргэх, үйлчилгээний төгөлдөршлийг бий болгох зорилгоор тус хэлтэс нь 2021 оноос Callpro үйлчилгээг нэвтрүүлж, үйл ажиллагаагаа сайжруулан иргэдэд шууд утсаар зөвлөгөө мэдээлэл өгч ажиллаж байна. Callpro үйлчилгээг нэвтрүүлснээр иргэдээс ирэх дуудлагыг алдахгүй авч, гомдол саналгүй ажиллаж байна.

Нийгмийн даатгалын байгууллагаас үзүүлж буй үйлчилгээ, мэдээ, мэдээллийг  түргэн шуурхай хүргэх зорилгоор энэхүү вэб сайтыг шинээр хийж, Нийгмийн даатгалын байгууллагын эрхэм зорилго, хэтийн зорилго, чанарын бодлого, байгууллагын бүтэц, хууль эрх зүй, нийгмийн даатгалын байгууллагаас үзүүлж буй үйлчилгээ, шилэн данс, статистик мэдээлэл зэргийг багтаан иргэд даатгуулагч Та бүхэнд олон төрлийн мэдээллийн сувгуудыг ашиглан, зөвлөгөө мэдээлэл хүргэн ажиллаж байна.

Иргэд, даатгуулагч, ажил олгогч Та бүхэн манай вэб сайтнаас нийгмийн даатгалын цаг үеийн мэдээ, мэдээлэл, нийгмийн даатгалын үйлчилгээг цаг хугацаа, орон зай харгалзахгүй түргэн шуурхай авах, нийгмийн даатгалын талаарх санал хүсэлтээ илэрхийлэх боломжтой юм.

2022 онд Нийгмийн даатгалын байгууллага үүсч хөгжсөний түүхт 80 жилийн ой тохиож байгаа бөгөөд 2022 оныг “Эрх зүй, Мэдээллийн технологийн шинэчлэл-80 жил” болгон зарлан Нийгмийн даатгалын багц хуулийн шинэчилсэн найруулгын төслийг Улсын Их Хуралд өргөн барьлаа. Одоогоос 80 жилийн тэртээ 1942 онд Нийгмийн даатгалын үндэс суурь тавигдаж, анх 4 ажилтантай “Нийгмийг аюулаас хамгаалах хэлтэс” нэртэйгээр байгуулагдан, бие даасан алба бий болсноор одоогийн нийгмийн даатгалын байгууллагын хөгжлийн түүх эхэлсэн.

Эрхэм ажил олгогч, даатгуулагч иргэд та бүхэндээ Нийгмийн даатгалын байгууллага үүсч хөгжсөний түүхт 80 жилийн ойн баярын мэндийг хүргэе.

    Сайн үйлс бүхэн дэлгэрэх болтугай.

ХЭЛТСИЙН ДАРГА   Ч.ЭНХМЭНД